jy is vars uit my lewe
slegs kleine spoortjies nog hier en daar -
'n steelfoto'tjie in 'n venstertjie van my beursie,
'n memento opgetel in dougras
iewers in niemandsland,
'n half geskrewe vers met 'n inkblop
waar ek jou binnehart wou pen,
'n blou klippie,
'n sonsopkoms,
die reuk van koffie
nou :
nuwe geure van naskeermiddel en viriel-ryp-mans
uitdagend dwarrelend saam met winter se glasdun asem,
rose in kwaste van pienk, sonnegeel en koraal
vul my woonkamer, my bed, die tafeltjie
in my voorportaal
minneverse vloed my inbox
sms-gedrewe bravade bring okkerneute
en wierookstokkies in gevlegde mandjies
saam met fedex tot in die oprit voor my huis;
in my voortuin staan 'n nuut beslaande kruis
getooi in skarlaken linte, beloftes en
soene vol smag
handgeskrewe versoeke wat lui :
'laat my toe om my hart te wys'
'sou ek jou drumpel kon betree?'
'ek wil jou asem sluk, as ek mag'
maar
niemand anders kan vergelyk
kan naastenby soos jy proe of ruik..
Daar is net een soos jy my lief.
© 2011 Almarie Truter
slegs kleine spoortjies nog hier en daar -
'n steelfoto'tjie in 'n venstertjie van my beursie,
'n memento opgetel in dougras
iewers in niemandsland,
'n half geskrewe vers met 'n inkblop
waar ek jou binnehart wou pen,
'n blou klippie,
'n sonsopkoms,
die reuk van koffie
nou :
nuwe geure van naskeermiddel en viriel-ryp-mans
uitdagend dwarrelend saam met winter se glasdun asem,
rose in kwaste van pienk, sonnegeel en koraal
vul my woonkamer, my bed, die tafeltjie
in my voorportaal
minneverse vloed my inbox
sms-gedrewe bravade bring okkerneute
en wierookstokkies in gevlegde mandjies
saam met fedex tot in die oprit voor my huis;
in my voortuin staan 'n nuut beslaande kruis
getooi in skarlaken linte, beloftes en
soene vol smag
handgeskrewe versoeke wat lui :
'laat my toe om my hart te wys'
'sou ek jou drumpel kon betree?'
'ek wil jou asem sluk, as ek mag'
maar
niemand anders kan vergelyk
kan naastenby soos jy proe of ruik..
Daar is net een soos jy my lief.
© 2011 Almarie Truter