wilde woeste winde
waai om blinde bang hoeke
van my eenalleen huis
met donker donder dawers
wat ratel teen my ruite
en buite
snik smeek en soebat
'n diep duister onweer
teen my skugter winter hart...(a)
Jou sag sagter sagste asem
lek in my nek
waar ek knus teen die kou
snoesig in jou warm liefde vou
ek's veilig vir nou...(B)
my eens bevrore hart
begin in vreemde tale praat
toe jou soelvat hande
die verre vreemde lande
van my bloosblos rondings verken
voel ek winter uit my litte wyk
toe ek sag beswyk
in die skuilholte
neffens jou oopgesperde bors...(a)
Die stormloop
van my rou emosies
lei my nader aan jou
waar jy jou hart
aan my ontbloot,
verlei my hand my eie hart
waar my vingers oor jou dans
in my verlustiging
van laatnag verlange...(B)
ek laat sak my hoof
want ek het myself beloof
dat jy nooit ooit mag
die liefde uit my oë sien skyn,
uit vrees
dat ek verbaas en broos sou wees
vir wat ek dalk
in die blousel blou
van jou kyk sou lees...(a)
Tussen die storm wat buite woed
en die kalmte van jou hart
staan jy sterker as ooit
en ek weet hier en nou
sal ek jou kan wys
dat jy nie hoef te vrees
want saam sal ons
onder die waakkring van die maan
'n nuwe seisoen ervaar...(B)
BennyB
© 09/06/2011 Barend Booysen
AmmieMoon
© 09/06/2011 Almarie Truter
waai om blinde bang hoeke
van my eenalleen huis
met donker donder dawers
wat ratel teen my ruite
en buite
snik smeek en soebat
'n diep duister onweer
teen my skugter winter hart...(a)
Jou sag sagter sagste asem
lek in my nek
waar ek knus teen die kou
snoesig in jou warm liefde vou
ek's veilig vir nou...(B)
my eens bevrore hart
begin in vreemde tale praat
toe jou soelvat hande
die verre vreemde lande
van my bloosblos rondings verken
voel ek winter uit my litte wyk
toe ek sag beswyk
in die skuilholte
neffens jou oopgesperde bors...(a)
Die stormloop
van my rou emosies
lei my nader aan jou
waar jy jou hart
aan my ontbloot,
verlei my hand my eie hart
waar my vingers oor jou dans
in my verlustiging
van laatnag verlange...(B)
ek laat sak my hoof
want ek het myself beloof
dat jy nooit ooit mag
die liefde uit my oë sien skyn,
uit vrees
dat ek verbaas en broos sou wees
vir wat ek dalk
in die blousel blou
van jou kyk sou lees...(a)
Tussen die storm wat buite woed
en die kalmte van jou hart
staan jy sterker as ooit
en ek weet hier en nou
sal ek jou kan wys
dat jy nie hoef te vrees
want saam sal ons
onder die waakkring van die maan
'n nuwe seisoen ervaar...(B)
BennyB
© 09/06/2011 Barend Booysen
AmmieMoon
© 09/06/2011 Almarie Truter