sprokieswoud

die wonder van osmose en chlorofil verskuil
in die skitterspel van blare se lig
en donker
met spinnerak en dou
tot by die rusplek van ʼn uil

maar waarvan ek
die meeste hou
is die ongesiende
wat is nog nie ontdek nie agter
elke tydgetorringde stam
en die rou biologie
van elke wilde ranker

na jou wortels lig ek my ankers
weer en weer
soek lafenis vir my seer
in groen
en ek tel die blare tot by miljoen
verby...

© Torm 2011

stunning, sag en rustig gestel Torm

Thanks Enid . Ek waardeer.

Sommer aan die begin het jou titel my reeds gevange geneem...en die vers was 'n kroon op leesgenot....hier praat jy die taal van my natuurkind hart ! Pragtig Torm!

Hierdie vers van jou is groots.
Duidelik het jy n aware-siel.
Hoed af vir die ene.
Uitstaande werk.

Baie dankie Rudi en Ammie.
Ek is nie een van die 10 digters nie maar net for the fun of it het ek die foto wat die gedig geinspireer het, op Freestyle FB geplaas. Sien die foto "sprokieswoud" wat pas by hierdie gedig.