Windsug

Passaat
woelsiek
waai windkant
my eolusharp vanaand

buig voor my Mammeluk
ek begrens jou met 'n misboog
om jou stuk stuk
in te sluk

polarisasie van jou sinne
vind neerslag
gedy
die wateropale in jou oë
offer jy my

Vir jou
voer ek
papawerstroop
kruip in
en oorwinter
in my stratus-skoot.


© 2009 Almarie Truter
( 1 Nov. 2009 )

...ek merk jy praat van waar jy begin het... en ek voel steeds oortuig dat jy as 'n "groot gees" begin het en ongelooflik daarop voortgebou het... hoe vergelyk mens dan een meesterstuk met 'n ander terwyl elke een volwaardig op sy eie fondasie rus. Ek staan met nederige respek voor hierdie vers en probeer my bes om nie jaloers te wees oor jou grootse talent met woorde nie.

Sjoe....nou voel ek lus om vir jou tjoklits te stuur vir hierdie mooie kommentaar...van daai rooi, koelronde Lindt balletjies wat soos stoute gedagtes smelt teen mens se verhemelte (dis my gunsteling nannas)...of wat van drops ? Jaaa, de soute drops van Katje !. (hoe water my mond nou)....of suig jy eerder aan 'n vrypeperment ?...giggel....Ag dinges SIEN! daar dwaal my aandag alweer na sweets toe terwyl ek net nederig wou kom dankie sê

Tannie Ammiemoon - deesdae suie ek net aan my rookgoed en my bo-lip. Daai drops is lekkerrrrrr - jaag die bloeddruk op maar wie kom agter wanneer jy besig is met die waardering-proses.....

Tannie se gat!!!! (trek ek my stert opsluit op 'n krul) Hies geen tanniegeit in hierdie lyf nie, net stuitigheid ! Jip, my metholtjies liefkoos ek ook deur die donker gleuwe van nag ...is asof beelde en woorde beter ondertrou binne my, onder die invloed van nikotien, maar soms, as die maan skuins gedop hang, kom 'n belustigheid oor myse sinne wat net die regte nannas kan bevredig !....giggel