vygies botter geil teen grensdrade
en heuwels staan uitgeswel teen die horison,
kalwers wat nog laatwinter vries teen spene
stuifmeel uitbundig elke middeldag
as die son dynsig saam wei tussen polle en spriet
die kaggel in my keel wolk smorens reeds flouer
teen vingers van ys
tog kraak my stem meer in winter-dialek
as in die lugspieëling van 'n indringer lente-asem
ek bekyk die armdruk van twee domastrant seisoene
en wonder waarom my hart so uitgesorteer is
in sy ewige winter staat.
© 2011 Almarie Truter
en heuwels staan uitgeswel teen die horison,
kalwers wat nog laatwinter vries teen spene
stuifmeel uitbundig elke middeldag
as die son dynsig saam wei tussen polle en spriet
die kaggel in my keel wolk smorens reeds flouer
teen vingers van ys
tog kraak my stem meer in winter-dialek
as in die lugspieëling van 'n indringer lente-asem
ek bekyk die armdruk van twee domastrant seisoene
en wonder waarom my hart so uitgesorteer is
in sy ewige winter staat.
© 2011 Almarie Truter
