Dwaalspoor van onthou

Kyk Ams, as iemand daar by Van Stadens opklim en dreig om te spring - gaan ek jou nie nader roep nie, want jy werk met mens se emosies op 'n meesterlike dog gevaarlike manier. Mens moet jouself behoorlik ken voor jy sitkry voor 'n Ammie-vers en onaangeraak (onveranderd?) anderkant wil uitkom. Ek bedoel dit in die beste sin van die woord, jou werke raak mens aan. Mens kan nie anders as om bietjie self-ondersoek te pleeg as gevolg daarvan nie. Ek is van nature 'n nuuskierige mens, ek hou daarvan om te krap en te peuter totdat ek iets volkome begryp. Juis daarom is dit 'n fees om jou verse te lees, jy gee my genoeg om vir ure (soms dae) te sit en dink. Soms verras jy my wanneer ek skielik van iets nuuts binne my bewus word omdat jy die deur met jou sielsverse so versigtig en effektief oopsluit. Soms is dit seer, soms laat dit my glimlag. Maar altyd raak dit my aan.

Sjoe, dankie Rudie...staan ek alweer vrek klein...