soos ʼn ulululu lofgedig
lei die heuwels na die Zulu-troon
bayete! soos wat net Afrika kan -
ʼn ontmoeting tussen swart en wit
en tussen kwaad en goed
en tussen water en bloed
een wêreld en ʼn ander ontmoet
waar wilde veld en modderhutte
die motors en gloeilampe
in ʼn verwarring koester
met die hitte van ʼn moeder
soos die landerye teen haar borste aanlê
ja, die beeste en die sorghum
maak nes tussen Afrika-kurwes
van heuwel tot heuwel en ruïnes -
alles wat gebou is, word wel afgebreek
en daar steek ʼn pen in elke speek
maar te fiets vorder ʼn oupa oor die grondpad bult
na sy soekende umfaan kinders;
sy yebo-gogo-selfoon is ʼn radio -
tussen krassende kraaie luister hy liefs
hoe speel en wen of verloor sy Kaizer Chiefs
©Torm 2010