Sluimer

Is 'n slaapsluim droom dan tweedehands
mag ek dit maak pas agter pandjieswinkel glas
om meer nou as dan te mag staar daarna
en weer te droom in dowwe lig van onbewus

Deur die fluister wees versigtig massa beur
na die kom na my wat in jou hartklop wag
Naak gestroop van wantroue, venyn en seer
In eenwording smag en snak oor aanraking teer

Sal elke wakker uur dan genadig wees
die droom sluimer bewustelik op bekende pad
tot by die pandjieswinkel van slaap
waar ek vrywillig dag verpand vir nag

Elmi ©