Diepe man met ambisie en deernis

Hier by my werkswinkel op ‘n klein stukkie grond,
Hou ek my besig met my gedagtes wat nooit stil staan
Terwyl hande besig is om werkies af te rond.
Dink ek aan die seerkry deur mense veroorsaak
Waar het dit begin, en hoekom draai die pad so
Dat hierdie hart wat jou liggaam aan die werk het
Al loop jy die pad wat jou Maker jou in laat glo
Seerkry omdat niks uitwerk soos wat jy dit self laat bepaal
Beloftes aan mekaar geweef deur ander in duie laat stort.
Kom U Vader en U tel my op en kan ek my hande plaas
Op ‘n stukkie hout wat U voor my deur kom le met trots,
Laat U my toe om dit te vat en te begin kerf
Net om te beleef hoe U gewerk het om my liggaam
Te vorm met hierdie doel om ook die seer te kan erf,
Waardeur U moes gaan, sodat ek dit kon verstaan,
Op die ou einde is dit alles die moeite werd
Want die plekkie waarnatoe ek moet gaan
Voorberei vir my met U groot Liefde vir ‘n Kind
Wat U wil he, ek eendag moet gaan staan.
Aan die sy van die grootste Koning my bevind.

Die man in my lewe, met diepe gedagtes besig om aan hout te kerf en dan op die ou einde van die dag alles met my kom deel waarmee sy gedagtes besig was.

Hallo Louisa.
Mense kan nie vir jou gedig stem nie, want jy het nie die stembus (poll) opgestel soos per die instruksies nie. Jy kan nog die gedig "Edit" om dit reg te maak, dink ek.
Hierdie is 'n mooi vers.
Groete,
T.

Dankie almal wat sover vir my gestem het, julle is baie cool.