Ek sal
soos die maan wag
en die grond onder jou voete
water gee met my wolke vol trane
wat lewe bloei
deur vrede en genade.
Tot die nuwe hemel jubel
vir die lente wat sal kom
anderkant die nag in jou hart.
Ek sal
skitter deur die swart
en vir jou sewe duisend
naamlose briewe die son opgooi
met liefde en hoop-
as jy my vertel wat lê
anderkant die nag in jou hart?
In my melkweg
dra mense die weerlose bliksems
met koue en vrees hul hande vol.
En soms as die reën val
vol strale en lig
sien ek iemand soos jy-
wat lag as ek wag langs die volmaan
en wil skyn tot in môre
se nag in jou hart.
soos die maan wag
en die grond onder jou voete
water gee met my wolke vol trane
wat lewe bloei
deur vrede en genade.
Tot die nuwe hemel jubel
vir die lente wat sal kom
anderkant die nag in jou hart.
Ek sal
skitter deur die swart
en vir jou sewe duisend
naamlose briewe die son opgooi
met liefde en hoop-
as jy my vertel wat lê
anderkant die nag in jou hart?
In my melkweg
dra mense die weerlose bliksems
met koue en vrees hul hande vol.
En soms as die reën val
vol strale en lig
sien ek iemand soos jy-
wat lag as ek wag langs die volmaan
en wil skyn tot in môre
se nag in jou hart.