Satans Sang

Jy met jou lostorring
snymessie tong
torring al my nate los
jy kom le en loer
na alles wat ek doen
jy ruik my swakhede op
Jy weet waar om jou nes te maak
in die chaos van my siel
ek volg jou so sit-sit
maar so draai die wiel
Torring maar Satan
torring maar los
ek sal jou oorwin
maak nie saak wat dit kos
jy vertoring my siel
ek verdra jou vandag
Storms in my blou lug
le verkrummel en wag
kom dans op my horison
dans op my graf
ek sal jou verjaag
en my God sal jou straf
Kom vroetel jy maar
in my oop wonde rond
kom trippel woedend
op my oggend se stond
sal jou nie n oomblik
se sonlig hier gee
vir jou geen kans
om my mee te sleur
gaan sit maar en wag
soos n aap op n klip
eks een stappie voor jou
my God bly my kruk