Roepstem

ROEPSTEM

Soos die wintermis
inrol oor die see
weergalm jou liefde
hoor ek jou siel skree

hoor ek die soetste klanke
spring rond van huisnok
tot geelhout planke

deur sonstrale het jy liefdesverhale
geskryf wat die koue verdryf
kleef aan my wese soos die son
aan 'n bruingebrande lyf

elke keer nes ek verdwaal
kom jou roepstem my haal
gee kleur aan my lewe
eens grys en vaal

jy die baken na wie ek smag
die sonsopkoms in my dag
saam jou sal ek altyd lewe
vir jou liefde vir ewig strewe

© Barend van Huysen