Daar soek ek na jou

In die sirkel van my halfmaan arms
daar soek ek jou
waar jy teen my bors kan staan
jou hartklop myne raak
in die holte van my verlang
daar voel ek jou
as dit pyn wanneer ek
jou onthou.

In die vraagteken van my lyf
daar soek ek jou
waar ek smag op antwoorde
wat stom in my vraagteken lê
woorde wat ek jou so graag
sou wou hoor sê
maar ek het lankal vergeet
van rigting en tyd
en soms van jou.

In die branders wat breek in my
daar soek ek jou
in die groen-blou heimweë
wat oor my spoel
wit skuimbrandertjies
in my oë laat speel
dis daar waar ek jou onthou
ek bly sonder heenkome
sonder rus
want dis jou wat ek
in my hart mis.

In die stille ruimte van my hart
daar soek ek jou
waar liedjies woorde maak
ek met hulle aan jou
hart kan raak
in tydlose nagte
waar ek na jou roep
swerwend by jou verby
weet iewers is jy
daar teen die hemelruim
sal n ster brand vir my
in sy lig sal ek jou oë kry