bamboeswalms soutloop deur vleuels
en laagmis sleep hanggat vooruit,
betrokkenheid van 'n vissersdorp se spuug
voor wêreldse pretensies, ghwel teen randsteen en teer -
vis en tjips papiere hang soos vuil gedagtes
teen platgetrapte drade
arm kinders pie in die see
en skree oopbek vir daddy om die hondsdol hond te keer
wat knaag aan die gesin se binnekring,
die pastoor soek sy kudde maar kerkdeure hang
aan geroeste skarniere,
die gemeente hou nagmaal op die strand
tussen warm askoek en koue biere;
tussen bokkoms en madeliefies
wat songeel vrot teen weskus mure,
loop die uurglas stadiger as elders;
hier veg ek vir myselwers -
'n eiland wat gewigloos dopper in tyd
teen alledaagse sleur en verganklikheid.
© 2011 Almarie Truter
en laagmis sleep hanggat vooruit,
betrokkenheid van 'n vissersdorp se spuug
voor wêreldse pretensies, ghwel teen randsteen en teer -
vis en tjips papiere hang soos vuil gedagtes
teen platgetrapte drade
arm kinders pie in die see
en skree oopbek vir daddy om die hondsdol hond te keer
wat knaag aan die gesin se binnekring,
die pastoor soek sy kudde maar kerkdeure hang
aan geroeste skarniere,
die gemeente hou nagmaal op die strand
tussen warm askoek en koue biere;
tussen bokkoms en madeliefies
wat songeel vrot teen weskus mure,
loop die uurglas stadiger as elders;
hier veg ek vir myselwers -
'n eiland wat gewigloos dopper in tyd
teen alledaagse sleur en verganklikheid.
© 2011 Almarie Truter
Dit is vir my uit die diepte van jou hart geskryf....