My hart voel skel gehul
in die koue van 'n winter môre
...droë wit versier die stomp van 'n bejaarde stad
en demp die pols onder 'n gryse miskombers
straatkind en boemelaar
lê laat want die windjie sny sny
deur gees en vlees
na 'n nag se bitter byt
nog 'n dag tussen stof en stank
waar die stad weer wek
werkers wat skarrel en stry teen verkeer
terwyl sirenes loei
en nog 'n seer storie sterf
die is my stad
die is my Jozi
hart van die hoer
Afrika se hartklop
dryfkrag van industrie
die hoop van menig goue drome
dit is tyd
ek moet jou vertel
dit breek my hart
maar ek weet jy sal verstaan
ek het jare vir jou gegee
die beste van my
in jou arms toegevou
in Hilbrow en Yeoville
het ons nagte aanmekaar gejol
my huis getrek van Kensington
Sandton tot SunningHill
waar jy my altyd knus gehou het
vergewe my, my liefste Jessibel
jy was goed vir my,
maar nou wag n nuwe droom op die horison
waar my hart kan heel
in vroeë lente moreson.
BennyB
©06/07/2011 Barend Booysen
in die koue van 'n winter môre
...droë wit versier die stomp van 'n bejaarde stad
en demp die pols onder 'n gryse miskombers
straatkind en boemelaar
lê laat want die windjie sny sny
deur gees en vlees
na 'n nag se bitter byt
nog 'n dag tussen stof en stank
waar die stad weer wek
werkers wat skarrel en stry teen verkeer
terwyl sirenes loei
en nog 'n seer storie sterf
die is my stad
die is my Jozi
hart van die hoer
Afrika se hartklop
dryfkrag van industrie
die hoop van menig goue drome
dit is tyd
ek moet jou vertel
dit breek my hart
maar ek weet jy sal verstaan
ek het jare vir jou gegee
die beste van my
in jou arms toegevou
in Hilbrow en Yeoville
het ons nagte aanmekaar gejol
my huis getrek van Kensington
Sandton tot SunningHill
waar jy my altyd knus gehou het
vergewe my, my liefste Jessibel
jy was goed vir my,
maar nou wag n nuwe droom op die horison
waar my hart kan heel
in vroeë lente moreson.
BennyB
©06/07/2011 Barend Booysen
Last edited by BennyB on Tue 20 Sep 2011, 3:29 am; edited 1 time in total