Refleksie

Windverwaaid dans my hart
teater in sy eie maskerbal
duskant 'n reënboog waar jy dalk wag
by ‘n wishing well.

Jou refleksie spieëlbeeld
in my miskien-droom
van jou -

waar jy kaalvoet loop
deur gange en kamers van my verlange
waar my hart
eens heel was

wind donner en pols vanaand
meer verwoed as gisteraand
en ek kan myself nie help nie
want die sleutel tot my hart
lê iewers verlore
in refleksies van ‘n wishing well.


BennyB
©02/07/2011 Barend Booysen

Ek MOET stop hierby. Doodstil staan. Puik.

Benna,.. die stroming van die nanag le dik blink in jou werk ek herhaal wat ek n paar dae gese het, jy is n meester digter soos min ek ken, jy inspireer na n standaard ver bo die normale dank jou