In sagte draaie
dans ‘n volmaan
nou kalm weerkaatsend
deur ’n vroeër hart se
rouste blou
Aan die ander kant
dra eggo’s swaar aan leë woorde
van eendag se beloftes,
vanaand se verwagting
warrelwind iewers tussen
nou en niks en nêrens
Die hemel drapeer
ongekende satyn emosies
waar ek stil drentel in ’n kosmos
van verlange en hoop,
raak jy stil stil aan my dromershart
net vir ‘n oomblik
net vir nou
My hande soek
in die leeg van my bed
tussen lakens vervloek,
deur laatnag verlange
steeds alleen
vir nou
My bed steeds leeg.
BennyB
©18/09/2011 Barend Booysen