'n gebreekte somer is moeilik om te las -
'n son wat drup op gevlegte matte
waar ek sukkel om jou in die lig-arm spens
van my hart te pas
ek proe steeds oorryp aarbei soene,
gebottel en bêre tussen fyngemaalde koring
en gister se winterkaneel ,
lente wat suikerbekkiestroop onder moeseliendoekies
uit 'n erdeskottel steel
koffie stoom vanaand teen 'n oorgang seisoen
wat lepellê waar jy so volmaak gepas het -
oor heup deinings en die vrug-aarde-vallei
van suiwel dye
omkyk, herkou en weer beleef word daelikse manna
en ek bevind my telkemale in ons gebreekte somer -
onder 'n sekelmaan, waar ek hande na bowe
smekend staan.
© 2011 Almarie Truter
'n son wat drup op gevlegte matte
waar ek sukkel om jou in die lig-arm spens
van my hart te pas
ek proe steeds oorryp aarbei soene,
gebottel en bêre tussen fyngemaalde koring
en gister se winterkaneel ,
lente wat suikerbekkiestroop onder moeseliendoekies
uit 'n erdeskottel steel
koffie stoom vanaand teen 'n oorgang seisoen
wat lepellê waar jy so volmaak gepas het -
oor heup deinings en die vrug-aarde-vallei
van suiwel dye
omkyk, herkou en weer beleef word daelikse manna
en ek bevind my telkemale in ons gebreekte somer -
onder 'n sekelmaan, waar ek hande na bowe
smekend staan.
© 2011 Almarie Truter
of words I salute you!