jou demoon klop aan my deur
geen keuse word my gelaat as om hom te akkomodeer
(jy is immers die man wat donker my minnaar gemaak het)
ek merk sy eie-slenter deur my voorhuis tot waar hy
stop voor my bed
my wit bed, waar jou kopkneus nog blanko linnegoed vlek
( jy het eens wintervoete hier laat rus)
my hart bliksem op die vloer toe ek jou adem
aan jou dwaalgees se kraag -
hoeveel ure het ek my nie aan jou duisternis
se lig behaag;
die voorbode gefrommel in sy klou
word bewerig na my uitgehou en ek huiwer,
traag om na jou welstand te verneem
(jou trane tussen my koors geswolle borste
was immers die bron van dae se onophoudelike
geelperskereën)
hoekom is ek nie verbaas toe jou handskrif begin swem
in die antarktika van jou oë nie (iewers weggebêre in my kop)
soos toe jy laas kom smeek het vir nog 'n jaar-pas in my lyf -
jy wat Breyten Breytenbach uit my lende kon dryf;
wat ek daar lees bring geen rus of vrede
laat jou slegs uit my argief penetreer
tot ek weer maagdelik sluk aan ou geluk
my terugkeer nota was doelgerig en kort :
'' fokkof uit my huis,
ek is besig om weer heel te word ''
© 2011 Almarie Truter
geen keuse word my gelaat as om hom te akkomodeer
(jy is immers die man wat donker my minnaar gemaak het)
ek merk sy eie-slenter deur my voorhuis tot waar hy
stop voor my bed
my wit bed, waar jou kopkneus nog blanko linnegoed vlek
( jy het eens wintervoete hier laat rus)
my hart bliksem op die vloer toe ek jou adem
aan jou dwaalgees se kraag -
hoeveel ure het ek my nie aan jou duisternis
se lig behaag;
die voorbode gefrommel in sy klou
word bewerig na my uitgehou en ek huiwer,
traag om na jou welstand te verneem
(jou trane tussen my koors geswolle borste
was immers die bron van dae se onophoudelike
geelperskereën)
hoekom is ek nie verbaas toe jou handskrif begin swem
in die antarktika van jou oë nie (iewers weggebêre in my kop)
soos toe jy laas kom smeek het vir nog 'n jaar-pas in my lyf -
jy wat Breyten Breytenbach uit my lende kon dryf;
wat ek daar lees bring geen rus of vrede
laat jou slegs uit my argief penetreer
tot ek weer maagdelik sluk aan ou geluk
my terugkeer nota was doelgerig en kort :
'' fokkof uit my huis,
ek is besig om weer heel te word ''
© 2011 Almarie Truter
