Rooi op wit van jou hart se strand

bittersoet beloftes lê verwaai
swart verweer geëts in klip
breekwater rots in nag se storm
bitter teer

droë roes hang rooi
aan roosblaar reuk
(soos gister se verlange)
kristalhelder in my amper realiteit

dryfsand hou my terug
strem beweging van onthou
‘n gemene spel van '' I told you so ''
waar my hart en my gewete
in die stik mis van nou rondspeel

verder
verder in geskiedenis van gister
veer ek terug
asof ek nog vir ‘n oomblik hier
aan dryfhout moet klou
vir lewe en dood

ek skop vas en gryp na die silwer rand
in die wit van my laaste hoop
en daar in sy niks en nêrens
lê die rooiste rooi
van 'n hart se woorde
beloftes in die witsand
en jy die engel
van my laatnag droom

BennyB
© 24/09/2011 Barend Booysen

benna..........wat kan ek se woorde ontbreek

elke nuwe gedig van jou gee groter momentum aan jou as meester skrywer!

Ek weet nooit hoe om op die komentaar te reageer nie, Ek staan humble in jul terugvoer...duisend dankies!

Ek glo dat 'n Meester bloot "is" en ons net soms toelaat om deur die skrefies te loer. Benny, jy "is" en hierdie werk is 'n skrefies-gedagte, net genoeg om ons te laat besef dat jy mens is. 'n Grootse mens. Pragtige vers.