die hek

daar hang 'n ou geroeste ketting
(in ou-mens-taal sowat twee-duim dik)
met 'n splinternuwe slot
wat die laaste skakel
van elke los punt
saamhaak;
saamsnoer;
tot eenheid bind.

iemand moet tog waak oor orde
en toegang bepaal;
dis nie ek nie.

daar voor sit die jeug-kadet
met die sleutel aan 'n toutjie
om sy nek

voor hom, op ‘n houtkissie
in vet wit letters:
besoektyd tussen drie en vier.

sal dit help om te sê
my etenstyd is tussen
een en twee.

© (15.08.2011) Rudi Prinsloo
Alle regte voorbehou / All rights reserved

elke los punt tot eenheid snoer,......... jy laat my my fizzpop aandagtig suig,.. wat hou ons in met daardie hek,.. miskien anders denkendes,.. want hek nie soseer vir uit hou as vir inhou dink ek

tog ... vir nabyes sou hy sy etenstye seker kon manipuleer?