'n foto van jou...

’n verwronge verlange
bekruip my genadeloos
van agter
soos donker skadu’s
daglig bekruip
met sons ondergang...
stadig
maar seker gesink
in ’n uitgedorde erosie hart

in bewende verrimpelde hande
hou ek ‘n foto van jou
my lente liefde
wat elke skadutjie
in my lewe
meteens kon verhelder
wat elke vuurtjie
in my hart
meteens kon ontvlam
wat elke wolkie
in my lewe
meteens kon verwyder
my lente liefde
‘n tyd lank gelede

ek kyk in oë
wat helder skitter
glimlaggend van
liefde
warmte
begeerte
als
vir my

my vinger streel jou lippe
wat in die lente
nog soete woorde
kon fluister
met ‘n glimlag
wat jou hele gesig
ophelder
glimlaggend van
liefde
warmte
begeerte
als
net vir my

my vinger streel
die kontoere van jou gesig
sterk
manlik
elke merkie
elke plooitjie
elke moesie
elke baardjie
jou hele self
het ek geken
’n gesig
wat straal van
liefde
warmte
begeerte
als
net vir my

maar
hierdie verlange
brandende verlange
verteer my binneste
vandag
en net vir vandag
want
op hierdie foto
van jou
het ek afgekom
jy...
my lente liefde
van vele mane terug...

30-09-2011

mooi beskrywende vers van verlange

Baie dankie Ronel!

pragtig...
en pragtig virewig...
(al dan seer)..
(dink egter die gedig kort om opgedeel te word..dalk in 3 of 4 dele......en nie so aanmekaar sonder punt[e] nie.)
sal dit dan net versterk.en amplify.