Veg Vliegtuig

Whiskey Alfa verlaat die teerblad
Wiele vou onder die vlerke in
Die missie, simfonie het begin.
‘n Vertoning van krag en spoed,
Van presisie en moed.

Beklim hy die lugruim
Haastig, donderend skeur hy die wolke hoog.
Neem besit van die hemelboog.
Vry om te duik en beur
Om te val na die aarde weer

Aan te val op die vyands mag.
Onverwags blits die vuur uit jou buik.
Gekom om te skink uit jou kruik.
Dan vinnig weg te swaai,
Onge-erg van die pyle weg te draai.

Hoogmoedig te gly op die wolke sag.
Soos ‘n bliksem die veld en berg te oorbrug.
Die mens en dier vir sy gedonder laat vlug.
Skiet voort, tol en swaai,
Kom vinnig terug met n wye draai.

Nog oulaas vuur te spoeg.
Hastig die son in, verdwyn
Vreedsaam, alleen hoog bo die aarde ruim.
Ver van vrees, verwoesting en ongeluk.
Statig op die aanloopbaan te gaan sit.

Manie Jackson