Die elegie van Elle

Sy kyk af
na waar haar borste
trots ferm en sag
eens was

nou is daar
( van buite )
net ñ plat ribbekas .

Sy kyk af
na waar haar borste
uitlokkend wulps en warm
eens was

nou is daar
( van buite )
slegs letsels
wat net nie so goed pas .

Snags hunker sy
na hom

sy soekende hande
sy passievolle mond
wat altyd haar borste
in voorspel kon vind .

Snags smag sy
na hom

na hulle vel teen vel
sy liggaam
swaar-warm en gesweet
teen haar borste .

Sy kyk af
na waar haar borste
nou pronk
in hulle afwesigheid

en wonder stil
of haar man
se nuwe vrou
se borste
ook trots ferm en sag is
ook uitlokkend wulps en warm is

soos hare eens was .


( 24/01/2011 10h01 )