Woord ereksie

Hoor hoe bars die kaneelblomme

skuifel nou in spasies waar briofiet
molm tussen akkers en laasweek winde;
buig laag en luister hoe kluite kluit
hoe ondergrond water klots -
(moeder se stem sal ook daar iewers draal)

bome loop wortels bo die grond
vol profesieë en warm lug wat dwelm
teen blaarlende

die buigsaamheid van woorde
vind ek hier -
waar reëngat-termiete krioel
waar 'n gedig sampioen in kompos-loog.


© 2011 Almarie Truter

Heerlik hoe die skryfster die meganisme van seks ( voortplanting) 'ondergronds' soek .... in die sublieme krag van 'profesieë en warm lug wat dwelm' in die digter se werke.
PRAGTIG verby!

En jy my held, ken die fyn netwerk van my weefsel en die bloedvermenging in my gene...Hoeveel nagte, moeg geveg in voorste linies, het ons nie ondergronds die muskus van minne verken en mekaar met woord gepenetreer en bevrug nie ?

* bloos *