Jan Bloekom se stomp

Ons sit hier
op Jan Bloekom se stomp
en kyk hoe
dooieboom vingers
bewend
prentjies teken
op rimpelwater
en wolke agtergrond

jy gooi
ñ platklip
met mening
tussen die vingers in
maar nie eens
vier plonse
kan die stilte breek

jy kom sit weer
en ek staan op

ek gooi
ñ platklip
met mening
tussen die wolke in
maar nie eens
vier plonse
kan die stilte breek

ek gaan sit
en jy staan op
met ñ sug
hande in jou sye
en ek dink
dis tye
soos die
wat stilte tussen ons
ongemaklik is

dan pluk jy
jou klere uit
en plons
witboude
waterspat
gillend
die plaasdam in

ek kyk op my horlosie :
dertien minute

lag breek los
uit my maag
en borrel by my mond uit

grootoog
gillend
probeer jy koes
toe ek klere en al
voor jou bom

lag ontplof
oor jou lippe

ek kyk op my horlosie :
veertien minute

jou roospienk nippels
steek honger
en styf
net bo die water uit

“ Fok ” sê ek
en gryp jou vas
voel hoe jou liggaam
sommer net pas
“ Ek is so lief vir jou ! ”

ek kyk op my horlosie :
veertien minute
vyftien sekondes

ons soen

jy druk my
speels weg :
“ Ek het jou gesê
dis ñ simpel speletjie ,
ons sal nooit
vir vyftien minute
kan stilbly nie ! ”

( 04/07/2008 09h17 )