Trane meng met sout van ou ou wonde
en knieë knak toe ons snak na
vasgeknoopte woorde.
Klein onvoltooide sterre balling
in my saamgetrekte hande toe
jy sonder ritsel of fluister
soenoffers bring.
Skaars 'n kilometer uit mekaar
ring verlore jare om te snoer
deur lugleegtes tussen jou en my -
vreemd die vol wat nou vettigheid stoot
oor die oewers van my hart.
Ek het jou gemis my broer.
Hier, neem Saturnus vir jou -
sy mane is velerlei en jonk,
gewillig om afkeerwalle te gooi sodat jy
nooit weer uit my arms gly nie
...my beker loop oor.
© 2011 Almarie Truter
en knieë knak toe ons snak na
vasgeknoopte woorde.
Klein onvoltooide sterre balling
in my saamgetrekte hande toe
jy sonder ritsel of fluister
soenoffers bring.
Skaars 'n kilometer uit mekaar
ring verlore jare om te snoer
deur lugleegtes tussen jou en my -
vreemd die vol wat nou vettigheid stoot
oor die oewers van my hart.
Ek het jou gemis my broer.
Hier, neem Saturnus vir jou -
sy mane is velerlei en jonk,
gewillig om afkeerwalle te gooi sodat jy
nooit weer uit my arms gly nie
...my beker loop oor.
© 2011 Almarie Truter