Onsigbare skoonheid

Die sagte basuin van ‘n serafskoor
in ‘n simfonie van kontrasterende
vokale en konsonante, in harmonie.

Die Saligmaker self inspireer intensiteit.
My aandag is gekerker in ‘n doolhof
van sagvloeiende strome helderheid.

Chaos staan verstar
met Onkunde en Waansin aan beide kante.
Saggies, ritmies,
sweef die suiwerheid
in vernietiging deur valsheid.

Passievol, eerlik,
gloei die liefde
in die melodie van ‘n vrou.
Haar voorkoms,
onbekend.
Haar teenwoordigheid,
onmiskenbaar.

G. Hermens, 01-07-2008

Pragtig....die verskil tussen 'n goed tegnies versorgde gedig teenoor 'n ander een is onmiskenbaar !

Dankie vir die goudraad! :-))))

'n Groot plesier aan iemand wat reeds 'n goue pen in sy hand het !

Like jou slot...
(die woord lababrint gee my net die horrie-piep... )

Nederig- dankie Maanvrou!
Dis jammer, Rudi, want dis'n gedig wat my na aan die hart le... Thanks vir die slot gedeelte though!

.

Weereens n baie goeie vers. Jy sit inderdaad met n goue pen. Make it count.

Dankie dame vir die volwaardige uitleg van "labirint"! Waardeerdit ongelooflik baie! Nou's ek net nog meer tevrede met my woordkeuse! Awesome!!! Blessings!
Baie dankie Claira! Waardeer dit innig en ek sal my bes probeer!

Beste Me. S.J. en Gerrit,

S.J. Jou kwaliteit terugvoer is wat elke skrywer van droom. Goed of sleg want dit toon belangstelling bo die gewone en n ruim hart deur n hand uit te steek.

Gerrit. Persoonlik het ek n broertjie dood aan enige Engelse woorde of afgeleides in Arikaanse werk. Seker omdat ek so n nuweling is wat skryf annbetref. Nadat ek S.J. se kommentaar gelees het moet ek noodgedwonge bes gee en se dat sy heeltemal reg is.(In die geval :-) )

Ammie is n groot voorstander van nuwe Afrikaanse woorde vorm en ek wonder of daar, gegewe S.J. se kommentaar wel n nuwe woord geskep kan word.

S.J., Gerhard ek daag julle en alle FS geeste uit om met iets na vore te kom.

Vriendelike groete aal julle twee.

SWERWER

Ha-ha, dankie Swerwer...Reg al dan nie, ek weet nie of daar regtig meer 'n "reg of verkeerd" in digkuns is nie. Ek dink dit hang maar af van elke digter se styl, gemoedstoestand en verskillende omstandighede waaruit die plasings spruit en vanuit daardie konteks ook die kommentators se skrywes...weer gelees, sal ek selfs 'n paar van my eie skrywes anders wou stel. Dit is soos 'n mooi skilderwerk of gedig...altyd iets wat mens kan byvoeg (of eerder moes weggelaat het) om dit beter te maak. Wat jou uitdaging betref: miskien tref daar iewers uit die bloue niet eendag 'n woord my huidige sufgedinkte breintjie, maar vir nou het ek regtig geen beter idee nie. "Spiraalpad" wil-wil kop uitsteek, maar die woord dui op 'n afwaardse neiging en dit is nie hier van pas nie. Dus nogsteeds gesoek: 'n goeie/beter Afrikaanse woord vir die konsep van 'n Labirint.

Ek sal verseker dit met julle deel as ek 'n beter woord ontdek!!! Dankie aan julle albei!

ai mense...
DOOLHOF
..dit klink en proe mos sommer beter....

Net vir jou Rudi

sommer tonne beter.JA!

Ja...dit klink goed so! Nice.

Dankie!

Pragtig gedig Gerrit, mag die pen in jou hand nooit oud word nie want jy kan,
so skoon in woorde en taal gebruik, mag jou toekoms vir jou net vorentoe vol seen wees.

Nederig dankie Louisa! Waardeer dit innig!