Reis met my mee

My lippe sal graag jou onbekende
dog bekende deinings wil verken,
om jou, soos Marco Polo van ouds,
na die ooste weg te voer.

Oor die swartsee wat snags
in volmaan glinster,
sal hierdie boekaniershart
weer wit word en lewe se robyn
weer deur sy are laat pols
as jy net die tog met hom sal meemaak.

Na waar 'n nuwe lewe wink,
in die ooste
waar tornyne en seeperde op die
horison rinkink.

Ragfyn nette is oorbodig,
hierdie boekanier se hart het jou
so nodig.
Hy sal jou die sleutels na verborge
skatte gee,
maar smekend versoek hy nederig en sag
reis saam na die ooste
waar Luna kan rys en glim in al haar prag,

na 'n boekanier se hart
wat smagtend wag.


(kopiereg voorbehou)

Dit is n baie mooi gedig. Ek hou veral van 'ragfyn nette is oorbodig,hierdie bokanier se hart het jou so nodig'.

hou baie hiervan..n pragtige werk......
war mooi vloei..soos oseaan se deinings.

klink soos 'n seemans-gebed aan 'n geliefde....ek hou hiervan, sommer baie !