Vonke van sy denke

Ontspanne leun jou geleefde lyf

teen die bekendheid

van ‘n silwer-plaashek draadbaadjie

sy klingelende kettinghaak; lossies deur ‘n ring gevleg

waaronder ‘n lowergroen tweespoorpaadjie

kronkelend na voor en agter strek



graspolle en korrelklipsand

knars krakend onder jou veldskoensool

en terwyl jou regtervoet sy knus-plek

op die onderste dwarspaal streel;

speel ‘n pypbekroonde ouman-kindwees;

huppelend in dieptes van die natuurskoon



jou oë het versag

toe gedagtes jou wegvat

na doerbo

waar die valkies rinkelend

binne in die vonke van jou denke sweef

in die sirkelgang waar begin aan einde kleef

mal hieroor.
jou bewoording.
die prentjie wat jy skilder.
alles.
dink dis jou beste werk.
en eks bly dat dit heeltemal anders is as al jou vorige werk.
jyt nou jou eie kreatiewe Rubicon oorgesteek.
uit jou boks uitgeklim...
en gewys waartoe jy werklik in staat af.
(ekt dit nog altyd geweet..maar jy 4 jaar gevat om my reg te bewys...)....
noudat jou ware vermoe hier ten toon gestel is,beter jy deliver van nou af.
ek kyk uiot en hou jou dop.

Baie dankie Rudi, dit is dierbaar van jou, dankie dat jy nie ophou glo het in my nie.