die sipres (in my ma se voortuin)
se dun middelvinger raak vanaand rakelings
aan flou sterflikheid in 'n oopgespreide trans,
wys my dat afstand eintlik van geen belang is
solank jy weet wat jy soek,
weet wat vrygeestigheid
se troetel- wegsteek naam is
die kosmos lê vas gehekel
aan transparante buitelyne,
soos jy aan my geheg is
vir ligjare nog vêr vooruit van hier
die maan skug soos altyd in haar stomheid
maar met braille geskrif geëts in haar plooie,
oor sy weet ek weet
daar is veel meer
as wat die blote oog kan sien
ek kniel soos altyd voor almag en die volheid van tyd
en droom groot en wyd
want iewers
(versteek in die bodemlose ruim)
staan afgestorwenes weer op uit die dood,
begin verlamdes loop,
word 'n verlore hart (soos myne)
aan die ewige liefde verkoop.
© 2011 Almarie Truter
se dun middelvinger raak vanaand rakelings
aan flou sterflikheid in 'n oopgespreide trans,
wys my dat afstand eintlik van geen belang is
solank jy weet wat jy soek,
weet wat vrygeestigheid
se troetel- wegsteek naam is
die kosmos lê vas gehekel
aan transparante buitelyne,
soos jy aan my geheg is
vir ligjare nog vêr vooruit van hier
die maan skug soos altyd in haar stomheid
maar met braille geskrif geëts in haar plooie,
oor sy weet ek weet
daar is veel meer
as wat die blote oog kan sien
ek kniel soos altyd voor almag en die volheid van tyd
en droom groot en wyd
want iewers
(versteek in die bodemlose ruim)
staan afgestorwenes weer op uit die dood,
begin verlamdes loop,
word 'n verlore hart (soos myne)
aan die ewige liefde verkoop.
© 2011 Almarie Truter