In my seun is n man

IN MY SEUN IS ‘N MAN


As ek stip na jou kyk in die aand lig
Wonder ek uit myself,
wat skuil in jou blik?
Want my oudste het verander in ʼn jonge man
Wat die lewe ontmoet het,
en hou daarvan
Jy my tiener my bondel krag en moed
Jy kan alles aanpak,
sien in alles die soet
Jy hou al van meisies, wat nou van my ?
Kan nie ophou praat nie,
het dit van jou ma gekry
Want van maats en van kuier,
kan ek jou niks vertel
En jou grootword roep aanhoudend jou kleintyd vaarwel
In my seuntjie, my baba
in jou oë skuil ʼn man
Kom sit hier by mamma,
terwyl jy nog kan
Hou vas aan jou ouers se duisend maal praat
Kry vriende met karakter,
wat jou nooit sal verlaat
Onthou altyd dat ons Heer jou in liefde bevry
As jy afdwaal en struikel,
sal Hy optel en lei
Probeer net jou beste in alles te gee
En weet altyd ons is by jou,
Ja in elke tree
Al skuil daar in jou ʼn wonderlike man
Sal jy vir ons klein bly, vir so lank as jy kan.

(Vir FC)

pragtige gedig wat my besonder raak want vandag is my seun 21
dankie vir die deel, seuns kom le anders in n ma se hart as dogters,

Baie Geluk!! En ja dis waar. Myne verjaar volgende week en Vrydag.

mmm die libra mans in wording, formidabele wesens

Daar moet ek saam stem. Myne word nou 17, en daar is min wat hom verstaan soos sy ma. Soms n moeilike karaktertjie maar oor die algemeen liefdevol en vol streke wat almal fasineer. My groot Hartseer gedig sal ek later vandag opsit, ons ander libratjie het ons verloor en dit is die grootste pyn wat n mens kan ervaar. Die wat ons wel by ons het en gesond en beautifull is, is ons goud in die volle sin van die woord.