Slaap saggies ons liefling

SLAAP SAGGIES ONS LIEFLING

Ek wonder gereeld oor jou, ons klein bul
Wie se ogies en handjies, blonde hare of krul
Of jy met 'n glimlag ons nag sou kom sê
En wat jy die graagste vir Kersfees wou hê
Jou lyfie was tenger jou koppie so fyn
Jy was diep in ons harte al was jy so klein
Onskuldig en nog nie die lewe begroet
Ek wens ek kon dit wat gebeur het verhoed
Jou weggaan vir tot jy oud was afweer
Pappa en ek het in hartseer verkeer
Maar Jesus het jou so nodig gehad
En daarom ons seuntjie, moes jy ons verlaat
Jy het by die Vader jou tuiste gevind
Rus saggies ons liefling, jy bly steeds ons kind
Ons het al vir jare oor jou plekkie gerou
maar nimmer het ons liefde vir jou verflou
Nog steeds bly ons in die Here verbind
Eendag nie vêr nie sal ons mekaar vind

Slaap saggies ons liefling, jy is op jou plek
Tot ons bymekaar kom onder Engele se vlerk


(Vir Anrich ons baba bul)

aai, Claira . Jy draai sommaar vroeg my traanklep oop - wonderlike , sterk liefdesverklaring
aan jul engelbul

Dankie Fafnir. Hy is verlore vir ons, maar ek is seker n aanwins vir die hier namaals.

nooit verlore altyd in jou hart,.. perfek soos dit hoort!!

Kon dit nie beter gestel het nie. Ons het na hom n pragtige krulkop meisiekind gekry, maar selfs sy my dierbare klein woelwater van 4, kan nie sy plekkie vol maak nie, daar sal altyd sy stukkie hart wees.