Ok, weens ''popular demand'' is ek gevra om my ervaring met "hot wax''
met julle te kom deel. Dit net nadat ek nou weer die eerste keer in
maande sonder nagmerries 'n nag kan deur slaap...dinges!...anyway
Kyk, jul weet nou al teen die tyd dat ek 'n laat ontwakende is. Ek het
my lewe lank my gat af gewerk en ge-professie, so by so dat ek nooit tyd
gehad het vir fieterjasies en titteltjie nie. Maar toe ek die dag my
''beach-bum'' status kry, wou ek alles beproef en beleef....Roekeloos sê
ek jou...bleddie roekeloos....anyway
So skeer ek al jare al die skugter plekkies aan my lyf met mooi pienk
''lady-slim'' skeermessies soos dit 'n dame betaam (ma hoor jy, ek was
'n DAME...giggel)....anyway..Besluit toe eendag bog met dit, die onkruid
skiet vinniger op as wat ek daarvan ontslae kan raak en my vriendinne
sê almal dat ''wax'' die in-ding is, skeer is vir oumense! Nou kyk, van
baie dinge laat ek my sê, maar OUD, not de dinges!!! Ek wou eers die
''do it yourself home kit'' by die apteek gaan koop, maar besef dat my
tegnologiese gestremdheid en onvermoë om Ingelse instruksies korrek te
ontsyfer my dalk skade op sensitiewe plekkies van my lyf kan
berokken...anyway
Ek maak toe braaf 'n afspraak by die skoonheidsalon vir Jackey om my
persoonlik onder haar tere handjies te neem vir 'n ''bikini-wax'' eerste
ding Maandag-môre. Geëmansipeerd en bevryd loop ek daar in met 'n lied
in my hart. Nuwe dag, nuwe ondervinding en op die koop toe 'n
onkruidbeheerde bedding! Die lewe voel vir my reg en lekker!....anyway
Na die chit-chat en 'n vinnige koppie tee, begin Jackey my ''voorberei''
soos 'n lam ter slagting vir hierdie sessie...Ek moes onraad vermoed
het toe ek soos 'n arme ''dik gemorfiende'' padda myself moes oopsprei,
gereed om ''gedisekteer'' te word....Dinges, dink ek by myself, hier is
sover nog niks vroulik of pikant te bespeur aan hierdie prosedure
nie....anyway
"n Heerlike soet reuk soos vars getapte heuning, vul die vertrek..''dis
die hot wax'' deel Jackey my terloops mee. Nou kyk, op hierdie punt
begin paniek ligweg in my lende roer. Julle girls weet mos, die area ter
sprake hier, grens direk aan die hemelse poort van vrouwees of beter
bekend as die hoohaa...giggel...anyway
Ek lig my kop so effe om te loer of Jackey,'n vervulde, lewenstervrede
trekking om haar pikante mondjie het, of daar enige bewing (of agressie
for that matter) in haar hande te bespeur is....Dinges...ek waag my
vreugdevolle orgasmes van die toekoms op die spel, as daar 'n ongewensde
''storting'' van kokende waks op my hoohaa sou beland!! Sy lyk egter
heel ontspanne en relaxed (miskien bietjie te veel na my sin)...anyway
Ek leun weer terug en dink skielik aan British Airways se vriendelike
gulhartige lugwaardinne wat so rojaal drankies aandra op aanvraag
(gratis, dis mos ingesluit in die pakket)....Ek kan wragtag doen met 'n
konjak op ys op hierdie oomblik...Jy weet, net om die krampagtige
vrees-spasmas in die lende te ontspan.....Wonder hoekom het geen salon
nog oorweeg om keurige alkoholiese drankies te bedien tydens hul
welriekende ''martelsessies'' aan hul kliënte nie?...dit voel vir my net
so reg en so BLEDDIE NODIG!!...dinges...anyway
Ek hoor vaagweg hoe Jakey sê ''Ok girl, jy sal nou so effe van 'n hitte
gloed voel, maar dis regtig ''cool'', moenie worry nie"....sweet,
angssweet speel albaster op my bolip en my buuste hyg onbeheers,
hartkloppings in my keel en 'n suis geluid in my ore laat my balans
verloor....giggel
PHOKKET!!!!!!!...toe die warm waks my ''sy-vleuels'' tref, skop 'n
onwillekeurige ''vlug-aksie'' op in my bene en ruk ek na links, voel ek
hoe my snoesige ''pelsjassie'' skramsweg getref word, voor die silwer
sterretjies voor my oë begin dans en ek sweer ek vir enkele sekondes my
bewussyn verloor.....dinges!!!....anyway....kort op die hakke van
hierdie skok, hoor ek 'n kners geluid wat klink soos die geskeur van die
voorhangsel van die Ou Testamentiese tempel van
ouds...sterretjies...weer warm waks...vuur...sterretjies...die
voorhangsels se
geskeur....sterretjies...hallusinasies...vuur..sterretjies....fok, na
wat voel soos ure daal 'n stilte in die vertrek neer....lê ek
hygend,swetende, swak en diep diep dankbaar dat die dood my nie kom haal
het nie!! ... giggel ...
anyway
Toe hierdie witvrou daardie salon verlaat voel ek lus om reguit oor die
straat aan te hou loop die branders en om 'n smeulende borrelbad te skep
in die branders, met 'n 50 meter raduis rondom my, van die vuurgloed
vasgevang in my beautiful glad gewaksde lende-area...donner ek was
hittig en vlam-bedinges!!!!...giggel..anyway
Nodeloos om te sê, ek het sporadiese verwronge erotiese drome snags
gehad, direk spruitend uit hierdie eerste ondervinding van ''wax op my
hoohaa''...giggel. Intussen het ek hondmak en sadisties pyn-verslaafd
geraak aan hierdie prosedure. Jy weet mos, daardie ''sweet torment''
gevoel wat ''lekker'' pyn op gekose areas op jou lyf kan
veroorsaak!...giggel
Sit ek nou en wonder, sal ek nie maar gaan vir daai full body massage
ding nie.?....Ek hou erg baie van hierdie martelpyn ervarings en my lyf
en lende sug diep dankbare en bevredigende suggies elke keer as ek die
skoonheidsalon verlaat....It's a girl thing I'm sure...anyway..Wat dink
julle, sal ek ? ....(smile)
© 2010 Almarie Truter
