Stormtroepe
volg lyn op lyn
verblind,
geïndoktrineer
versuip in propaganda se skuld
hoog op testosteroon
adrenalien beneweld
paraat
net seuns
wat nog soos kinders dink en praat
Bloedbelope
beur hul voort
luiperdkruip na oop grafte
om lewend-dood groot te word
sommiges gelukkig
om dalk nog 'n sonsopkoms te sien
Skerp flitse soos sterre
dan stilte
die lyn is gebreek
‘n gat waar makkers nounet my flank gedek het
Karel, Piet en Mike ?
Wat het gebeur?
Niemand het ons ooit geleer
om die seer te verstaan,
om drome wat my laat koue sweet
te hanteer.
Wat van die bloed smaak in my mond
is dit hoe dood moet proe?
Strale dans in die einders
van nog ‘n onseker nag
as ek eenkant stil alleen in koue wag
‘n vinger op die sneller van ‘n R1 geweer
oë wat skeur deur donker
as ek bid :
'' laat die bliksem in my visier kom dans ''
'' Wat maak ek hier
kom PW sê vir my, wat maak ek hier ?
hier tussen die dood en die koue
terwyl jy en die burgers rustig
binne landsgrense slaap ?
Wat maak ons hier,
gister was ons nog seuns
maar nou word ons gelei na vlak water grafte
op 'n vreemde volk se vreemde grond ''
Verduidelik vir my hierdie bloed smaak
in my mond,
is dit hoe dood moet proe ?
Slaap se vergeet is my nooit weer beskore
as ek steeds soek
na Karel, Piet en Mike,
iewers in 'n modder loopgraaf verlore.
Wie sal my leer
om hierdie bloed smaak in my mond,
hierdie doodsheid in my binneste af te weer ?
BennyB
©02/07/2011 Barend Booysen
volg lyn op lyn
verblind,
geïndoktrineer
versuip in propaganda se skuld
hoog op testosteroon
adrenalien beneweld
paraat
net seuns
wat nog soos kinders dink en praat
Bloedbelope
beur hul voort
luiperdkruip na oop grafte
om lewend-dood groot te word
sommiges gelukkig
om dalk nog 'n sonsopkoms te sien
Skerp flitse soos sterre
dan stilte
die lyn is gebreek
‘n gat waar makkers nounet my flank gedek het
Karel, Piet en Mike ?
Wat het gebeur?
Niemand het ons ooit geleer
om die seer te verstaan,
om drome wat my laat koue sweet
te hanteer.
Wat van die bloed smaak in my mond
is dit hoe dood moet proe?
Strale dans in die einders
van nog ‘n onseker nag
as ek eenkant stil alleen in koue wag
‘n vinger op die sneller van ‘n R1 geweer
oë wat skeur deur donker
as ek bid :
'' laat die bliksem in my visier kom dans ''
'' Wat maak ek hier
kom PW sê vir my, wat maak ek hier ?
hier tussen die dood en die koue
terwyl jy en die burgers rustig
binne landsgrense slaap ?
Wat maak ons hier,
gister was ons nog seuns
maar nou word ons gelei na vlak water grafte
op 'n vreemde volk se vreemde grond ''
Verduidelik vir my hierdie bloed smaak
in my mond,
is dit hoe dood moet proe ?
Slaap se vergeet is my nooit weer beskore
as ek steeds soek
na Karel, Piet en Mike,
iewers in 'n modder loopgraaf verlore.
Wie sal my leer
om hierdie bloed smaak in my mond,
hierdie doodsheid in my binneste af te weer ?
BennyB
©02/07/2011 Barend Booysen