Naggesang

Geloof is 'n duifie wat laatnag koer
want naguil se liggie skyn nog daar doer
dit gee hom hoop en hy begin sing
oor die nuwe dag wat sonskyn bring

Wie is ons om te sê ons glo nie meer
is die lewe só swaar, het ons só seer?

Kyk na die duifie wat laanag koer
vir uil se liggie wat nog daar loer
hoopvol begin hy dan te sing
oor die ware Lig wat vrede bring.

S.J. du Plessis © Augustus 2011

smile.
oulik.
gee mens iets om oor te dink....
..ons is meestal te onbewus...

pragtige vars klanke, hier : Welkom!

Welkom S.J.

Eenvoudige beelde wat met vernuf n baie mooi boodskap bring van hoop.Ek hou veral van die lyn wat jy so mooi deurtrek deur Geloof, Hoop, Lig en dit dan dit by die Ware Lig uitbring met die komende dag! Ek hou van die werk en ek hoop om nog baie meer van jou werk te sien.

Groete

SWERWER

Eenvoudig mooi.

Fafnir, Swerwer en Torm is my een voor: baie welkom hier in ons midde. Ek hou beslis van jou skryfstyl en gaan jou gretig dophou. Hoop jy geniet dit sommer baie.

hou hiervan!

Baie dankie Fafnir, Swerwer en Anderkant. Dankie Rudi, Torm en Ronel Holtz...heerlik om hier te kan wees en julle ook weer hier raak te loop. Ek waardeer julle plasings en kommentare soos altyd!(was op F.B Free Style) Ja, ek en daai nagtelike sangertjie is groot vriendjies...dit is 'n bietjie "rustiger stil" tyd vir 'n besige ma waar die kreatiewe kant uitgeleef kan word. Dankie vir die mooi woorde.

hou baie van die eenfoud en die les wat ons daaruit leer. As mens regtig rondom jou kyk en na die wonders van ons Fader, wie kan dan nog twyfel? Pragtige vers

Dankie Claire...ja, dit is soms die klein dingetjies wat saakmaak en mens dankbaarheid leer.