Ek en jy

Selfsoortig in gister spoor
gesigloos bekende siel
pad predikante na mekaar gewys
‘n reis vir onbepaalde afstand
Jou aan my sy

vreemd bekend
verklaar ons begrip,
verstáán
sonder voorgee;
en tiemie rig die roete

in wierook walm
en loerie psalm
skerwe word heel
wyl sag strale die pad ruim wyd wys

gister ‘n veraf dreun;
reste neutmuskaat
vul steeds die lug,
wyl bloedrooi kerswas rigting hou

droomwewers verewig in taak
om jou drome
of nagmerries waar te maak
om jou paaie te wys
gister spatsels te wys

talisman en lighartige
toordery
jou ondergang;
wis jy dan nie lank reeds
dat ek kyk en sien nie?

soms weef ek met opset
‘n fantasie;
‘n sprokie met ‘n einde
waar vir altyd en ewig
nie seermaak nie

‘n mooie droom
van vêr land en fantastie;
een waar gee splinters lê
waar liefde eg is
en woorde waar

waar ek en jy
selfsoortig, gesigloos
stil sonder geskal
skouer aan skouer die toekoms in reis

© 2011 Dolly.D
(Copyright Exists in this material: no unauthorized copying and/or distribution allowed)

Bravo Miss D...bly om te sien die afrikaans word ook ingegooi en hmmmm so romanties..., la langue est excellent souhaite que je pourrais parler si bien? waiting for more of your work