My Bloedspore

Meer as net vlees en bloed
bedekte seën wat vergoed
replika van my geen
gedagtes wat strelend reën

Meer as net groot oë vol verwagting
‘n brandmerk van verpligting
my dageraad versugting
die einddoel van bevrugting

Meer as net n knipoog babalyfie
ergerlike knies deur skamele kuifie
opgewonde en uitbundige hormone
worstelend met grootword se demone

Julle is my eie aan my toevertrou
my leë hande se berou
bekommernis en vreugde
knieë se smeekgebede

Julle het ek lief
stilstuipe hartseer die dief
van kleintyd se onskuld kaperjolle
grootgeword in volwasse rolle.

Verhewe bo telg se DNA
my ewige vreugde hierna.

© 2011 Johan Schoeman

Baie diep en mooi so uit n pa se hart. Ek mal daaroor.

Die skyfievertoning van kinders se grootword en vormingsjare soos dit net in die teater van 'n pa se hart kan afspeel.....en dan die besef: dis ons kinders wat ons definieer ! Uitstaande Johan en jou rym is lieflik vloeiend en gemaklik...Netjiese werk !

So 'n lekkerlees stukkie werk. Goed gedoen aan die herrinnering van 'n pa se hart. Gekeurde stukkie werk defnitief.

en waarvoor dan anders lewe as vir hulle, regtig mooi

Aan my FS maats,

Baie dankie aan julle mooi kommentaar. Ek waardeer dit baie en dit gee my nuwe stukrag om nog meer te skryf.

SWERWER

Ons plesier, jy kan maar.

my leë hande se berou

hierdie pa gaan staan doodstil hierby. Niks minder as volwasse eerbied en respek is hierdie vers waardig nie, ek voel inteendeel dat enige kommentaar wat ek hierby kan lewer te kort sal skiet.

'n Vader (soos 'n Moeder) wat die naam werd is behoort die subtiele vrese en nuanses wat jy in hulle vreugde verskuil te begryp en verstaan - die vers slaag daarin meesterlik. Ons as ouers probeer hulle tog teen die wrede waarhede van die lewe beskerm (al besef ons dis onvermydelik dat hulle daarmee sal moet omgaan).

Johan, jy verdien my opregte applous.

Aan anderkant,

Dankie!

SWERWER