Die lug lê weer blou in my onthou vanmore
my gedagtes roller coaster
oor elke rooi sanduin
...waar my binneste rebeleer
protesteerend vra
hoekom?
Duisend stukkies lê gebede
onder laag op laag seer,
op dowe skulp
wat geen ego dra.
Ek wonder maar net
of antwoorde my beskore is…
Ek wonder maar net!
Ek breek noukeurig met altwee hande
fortune cookie
want ek wil nie miskien steur nie
want ek’s seker , nee ek weet
ek het nou genoeg gehad
van die blues
Ek sê maar net!
Ek staan met my hart in die sterre
drome gevleg in die ‘milky way’
as my eenhand voel-voel my nou se verlange
die ander hou styf aan gister se onthou
is ek dan bang ek vergeet?
Ek wonder maar net!
Koud sweet trek my lyf inmekaar
as my hart se skarlaken rooi
kol kol plek maak
vir die swart se stil, se kalmte
die laaste flikker vlam
van my kers se dood
beelde flits ‘n laaste keer
as dit wat was
in stof en as
‘n laaste keer
deur ‘n stom alleen wind
‘n lee gister verwaai
Ek wonder nie meer…
Ek dog ek sê maar net!
BennyB
© 17/07/2011 Barend Booysen
