My harts droomkind

Ek wou jou wys
jou vertel
die storie van die kettie in my gat sak
saam jou kleilat speel
jou eerste rugby game
breëbors van die kantlyn skree

As jy ‘n meisie was
sou jy my klein prinsessie wees
‘n poppekas vir jou maak
met deurtjies en liggies
ek sou jou ballet toe vat
‘n duisend kiekies van jou neem

As dit maar kon
sou jy my lewe wees
vir jou sou ek gee
‘n duisend maal die liefde wat jou kinderhart begeer
in my sal jy my droomkind
altyd my hartsbegeerte wees.

BennyB
© 21/09/2010 Barend Booysen

Benna ek huil en kan jou nie hierop kommentaar, as ek skrywe hier moet kommentaar is dit uitmuntende stukkie skryf werk,... die verhaal daaragter is net te seer om te probeer verwoord!

roerende vers vanuit `n klein skrefie in die digter se volle hart

Waardeur julle terugvoer!

ongelooflik sielsmooi

Benny...dis reg moenie opgee nie, ek het 'n vriend wat in dieselfde situasie as jy was, let wel was, weer getroud en dit is al 2 jaar later, seun is 2 en sy meisiekind 10 maande oud. Hou aan droom, hou aan hoop en moenie opgee nie