Koos Deur die Voorruit + *

Drie dooie donkies
lê dikpens
langs die pad
en Koos Deur die Voorruit
lê stukkend
tussen hulle en bloei .

Koos Deur die Voorruit
se linkeroog hang
op sy wang
en hy
is vol skrape
en snye
en glasskerwe
( een het sy
regteroog deurboor ) .

Koos Deur die Voorruit
het kop verloor –

hy streel liefdevol
oor die middelste
dooie donkie
se opblaaspens

wieg vorentoe
wieg agtertoe

sê oor en oor sag :
˝ Toemaar mamma
Alles gaan okay wees .˝

Koos Deur die Voorruit
se dooie vrou
lê platmaag-oopgeskeur
onder dikpens-donkie
nommer drie
en kraaie
pik pik
ñ entjie verder weg
aan die fetus
van Koos Deur die Voorruit
se ongebore eersteling .


( + Komkol 06/10/2011 00h14
* Arive Alive . DRA jou veiligheidsgordel….)