Koester my (Uitdaging 2/ Rudi Coetzer)

Snoesig nestel ek
styf teen jou aan

opwindende tinteling
wat deur my gaan

teen jou bors,
in liefde om-arm

lyf aan lyf, knus
geborge en warm

straal jou oë
gloeiend, lokkend...

lippe só naby
asemsnakkend

intens ons innige
liefdesaanraking

sensasiewekkende
intieme ontwaking

spontane oorgawe
as harte verenig

mekaar sal liefhê
vir altyd en ewig

en as nagliggies
dofweg flonker

in die lewe
se donker

tussen laken
en laken

is jy my lig
is jy my baken

koester my
nes jy verstaan

laat hierdie oomblik
nooit verbygaan.

2011/11/12 Joan Lotz

smile.
vang jy die oomblik so mooi mas.
love jou slot.

Baie dankie, Rudi...jy waag om te daag en dit bring die beste in my uit...ek hou vreeslik baie van uitdagings, jy weet mos!

hehehe....eks bly...seker daar sal meer dig-uitdagings wees......waardeer jou entosiasme en jou deelname.

Beste Joan,

Mag dit nooit verbygaan. Jy skryf in n "eenvoudige" styl met alerdaagse woorde wat pragtig saam gevleg word tot n keurige vers. Ek wens ek kon ook so ongekompleseerd soos jy so hard my hart laat hoor.

Ek het na jou kom soek Joan want ek mis jou stem. Kom kuier weer n bietjie saam.

SWERWER

Hi Swerwer, baie dankie vir jou mooi woorde...ek voel gevlei! Soms sien ek al hierdie hogere taalmengery en ek wonder of my goedjies ooit 'n indruk maak...maar ek hou van eenvoud...dis verstaanbaar, lees lekker en ek voel nader aan die taal as die geleerde woorde.
Ek sal weer my woorde hiernatoe bring...dit was net te dol onlangs en ek was ook weg.
Dankie dat jy my kom soek het...dit klink asof ek darem soms gemis word!