Flenter Fotos (2) (Rudi se uitdaging)

Flenter-foto's
skerf
deur my gedagtes
kerf
ou scars weer
oop
soos bloed teen my
afloop
wonde rou en seer
in my kokon
van waansin
sit ek weer
in donker hoekies
van myself
flenter-foto's
skerf
dit delf
wie is die mense
wat so om my swerf
die gesigte
van bekendes sterf
ek kan hul nie
onthou
soos die oe
voor my ontvou
daar is rook-glas
agter my lense
verlore groet
van al my wense
die pylvak
wat ek nou aanpak
is die laaste skof
n geskeurde bladsy
van geloof op rof
my lewe van my
beroof
Alzheimers
Dimensia
my gedagtes verdoof
na die kiekies
staar ek onverpoos
n lee mens
vergewing my
laaste wens

(vir Mamma)

.

Dit is ja, nie lekker as jou mamma jou nie meer ken al probeer sy hoe hard. My gryse moeder is nog nie heeltemal op daardie vlak van die siekte nie, maar dit is moontlik en nie meer ver dat dit wel gaan wees hoe dit sal gebeur. Ek dink vanaand baie aan haar en hoe swaar dit vir hulle moet wees. Dankie SJ, waardeur jou lees en begrip.