Vandag haal ek uit my dof verligte kelder
'n ballasmandjie gevleg uit rietlote,
gepluk deur bruin hande
wat al singende met blink gewaste voete
deur vlak water van verlate vleie beweeg.
Dra dit op bleek skouers na my lowergroen boord
swanger van vrug -
soos my geswolle lippe as jou minnaars kus
dit met passie vir soet verslind.
As dag op die grond val, vang ek die
eerste strale van 'n nuut gebore son
om as waasomhulsel vir verpakking
te gebruik.
Stap soos Pomona,
met vrugbare vol heupe op mosbegroeide paadjies
wat deur my boorde lyn.
Pluk persdruif om te pars vir godewyn
om jou dronk te maak vir begeerte
wat in my diepte skuil.
Reik na roosrooi appels,
sappig van soete sap
om jou te lak
aan suikerspore van my lag.
Aarbeie, broos geswel met lig,
versamel ek om deur donker sjokolade
te streep, jou een een te voer
tot jy my vingers met jou mond besmeer.
Sit kwepers bymekaar
om liggeel tameletjies te rol,
jou so te knoop aan die goue koord om my lyf.
Vir jou bewerk ek die somervrugte van my mannin-gees
om jou nooit weer te laat smag na wat kon wees
Sodat jy word
die vervulde ontvanger
van my seisoen se oes.
© 30/11/2009 Almarie Truter
'n ballasmandjie gevleg uit rietlote,
gepluk deur bruin hande
wat al singende met blink gewaste voete
deur vlak water van verlate vleie beweeg.
Dra dit op bleek skouers na my lowergroen boord
swanger van vrug -
soos my geswolle lippe as jou minnaars kus
dit met passie vir soet verslind.
As dag op die grond val, vang ek die
eerste strale van 'n nuut gebore son
om as waasomhulsel vir verpakking
te gebruik.
Stap soos Pomona,
met vrugbare vol heupe op mosbegroeide paadjies
wat deur my boorde lyn.
Pluk persdruif om te pars vir godewyn
om jou dronk te maak vir begeerte
wat in my diepte skuil.
Reik na roosrooi appels,
sappig van soete sap
om jou te lak
aan suikerspore van my lag.
Aarbeie, broos geswel met lig,
versamel ek om deur donker sjokolade
te streep, jou een een te voer
tot jy my vingers met jou mond besmeer.
Sit kwepers bymekaar
om liggeel tameletjies te rol,
jou so te knoop aan die goue koord om my lyf.
Vir jou bewerk ek die somervrugte van my mannin-gees
om jou nooit weer te laat smag na wat kon wees
Sodat jy word
die vervulde ontvanger
van my seisoen se oes.
© 30/11/2009 Almarie Truter
...ta