Vrae in die Wind

Wat word van vrae in die wind
sal hulle die regte rigting vind
waai hulle suid of gaan hul noord
vind hulle rus waar hul hoort

in harte wat antwoorde wil weet
hulle glo hulle word nooit vergeet
dan kom tog maar net weer die seer
van teleurstelling keer op keer

wat soos 'n twee snydende swaard sny
soekende sal hulle nooit die waarheid kry
leuens word sonder gedagte oor vertel
dit is die realiteit van die lewende hel

wat kan brand en harte kan verskroei
mens lewenslank aan onthou kan vasboei
lewensvreugde uit kykers kan steel
net altyd die verkeerde hand uit deel

vrae in die wind saai ghaos in harte
oral tussen hulle lê skerwe en smarte
wat harte en drome stukkend sny
is daar dalk vrede en geluk tussenin te kry?

as die wind en storm eindelik rus kry
jy ophou om teen die vrae en seer te stry
sal daar weer vrede en rus in jou hart kom
dan raak die alewige vrae soos die wind stom

pragtige werk hanlie

lief jy slotstrofe !..besonderse inweef van wind met lewens vraagstukke ! pragtig!