Kleine Kindjie Sag...

ek wil diep in verwarde ogies kyk
sien als wat seer en bang maak
jou angs bevange hartjie aanraak
‘n bestaan van letsels en pyn genees

ek wil jou sagkens in my arms toevou
styf teen my warm bors vas hou
sodat jy kan voel hoe klop my hart
…liefde is nie net ‘n sprokies verhaal

ek wil vir jou ‘n lullaby sing
sodat jy saggies na droomland kan vaar
soos dit moet wees, sonder vrees
vir hom wat jou besoek in die nag

ek wil vir jou ‘n safe haven skep
waar houe nie verder op jou sal reën
waar jy, kleine kindjie sag, gelukkig kan speel
waar eens kamma-kamma land werklik bestaan

04-08-2011

Nou slaan ek my hande hande saam.....Vier kinder-verse op een webwerf vanmore, wat 'n besondersheid ! Hierdie is met soveel deernis en liefde gepen.....baie baie goed !

Baie dankie Ammie, ek waardeer jou kommentaar opreg! Ek is vreeslik lief vir kinders en diere en as ek sien hoe hulle verontreg word - dit ruk my hart in stukke - wil daardie kindjie net styf vas hou en laat voel dit is "OK!" om kind te wees...