My lewe ( 2 )

My stil-lewe
skildery in angsvolle kleure
wat pyn in swart
en bloei
in rooi
en skreef in geel oë
wat onheilspellend
in die donker gloei .

My stil-lewe
skildery in ñ stil kreet
wat pynvol stol
om my lag-lose mond .


( 20/03/2009 16h17 )

Jy slaag fantasties daarin om my te verwar! Jou konstante verwisseling tussen die hede en verlede bied mens 'n skoppelmaai rit vol onverwagse oomblikke. Was ek 'n vrou sou jy my bekoor het met jou onvoorspelbare en "onafpenbare" geaardheid. 'n Lewe vol pyn wat is en monsters wat in die nag bestaan - 'n abstrakte "afstand" aanbieding van die ek en is. (en in hakkies onderaan tot die verlede tyd behoort). Maar nie vergeet nie? Skitterende vers meneer.

dankie.
(die verlede soos jy dit noem onderaan tussen hakkies,is die datum en tyd wat die gedig geskryf is..heheheh...ek sien nie die wisseling tussen die hede en die verlede nie?)

Dit is juis waarop ek sinspeel. Dat jy dit in die verlede gaan haal (datum en tyd) en in die hede aanbied as 'n "huidige" oomblik. Dit lees interessant wanneer mens 'n datum en tyd kan koppel aan 'n gedagte - die feit dat jy dit gaan haal en "nou" aanbied vertel sy eie storie soos jy tereg opmerk. Met die spesifieke wisseling verwys ek na jou "styl" om beide die argief en teenwoordige tyd aan te bied - verse uit die verlede afgewissel deur verse in die hede. As mens nou van dag na dag volg raak dit hier en daar verwarrend en verrassend. Nou en dan betrap jy mens onkant met 'n spesifieke vers wat breek van 'n "tyd-tendens" wat jy openbaar deur jou plasings. Lol - my eie beskeie opinie.

hehe..o ja..ek verstaan.....
(gelukkig het ek datums by wanneer elke werk geskryf is....)>
jong ekt amper 2000 gedigte....wat meestal reeds op woes is....ek moet dit hier ook kom opsit..intussen plaas ek die nuwes eers hier..en dan op woes...n hele mission...).
giggel...so nou is dit nuwes en oues deurmekaar.....darem sal die datums help...hehehe