het jy gesien my lief,
daar waar woorde tippel
as dag deur 'n rooi oggend breek,
prentjie mooi as die son ’n meermin soen
dansend weerkaatsend in koningsblou
het jy gehoor my lief,
die onstuimigheid van my hart
wat branders breek,
'n pols tot lewe dans,
het jy die antwoord van my hart gehoor
'n sonder twyfel antwoord 'ja' ?
kyk my lief,
hier waar ek kniebuig
voor jou hande en jou voete
waar my oë priem
in jou sagste vrou,
hier waar my hart vanaand
rustig word in jou ewigheid,
voel jy die diepste stil van my ?
sier wit groet ’n stil maan
waar ons nou enkel spore saamvleg
en liefde aandblom
in nou en more se elke asemteug saam.
BennyB
© 04/05/2012 Barend Booysen
for Janet Booysen
- Attachments
Janet wedding.jpg - My beautifull bride
- You don't have permission to download attachments.
- (101 Kb) Downloaded 2 times
Last edited by BennyB on Wed 11 Apr 2012, 9:17 pm; edited 1 time in total
