My lewe ( 19 )

Die Augustuswinde waai
die jaar weer
in September
in Oktober
en waai
weer alles deurmekaar .

Ek het al geleer
in my 45 jaar
dat die lewe se winde
soms onvoorspelbaar
opvlam skroei en verteer .

Dat gister-grafte
vlak is as mens
diep genoeg grawe
en dat daar
om elke hoek en draai
spoke is
as mens spoke soek .

Mens se lewensboek
skryf jy nooit alleen nie
en maak nie saak
hoeveel jy gee
of hoe hard
jy probeer nie

Augustuswinde waai
soms in September
soms in Oktober
en waai
weer alles deurmekaar .


( 01/10/2011 12h39 )