Jy’s vir my mooi!

Jy’s vir my n sonneblom
Volmaak vir die bruidegom.

Jou skoonheid straal om jou heen
Jy’s pragtig soos ander – geen!

Staan jy voor die spieel en tooi
Is jy sonder weerga mooi!

Hare deurmekaar en vaak
Uitstrek in die more – gaap!

Ogies toe as jy slaapie
Hou jou vas my liewe skaapie!

As jy buk en hare was
Of dan aantrek voor jou kas

Maak jou blik my hart so warm!
Weg die wereld, pyn en arm

As jy gou ons baba voed
Of my dan more groet

Is jy vir my die skoonste ster
So helder, bereikbaar ver.

Word jou denim ook soms vuil
Kinder handjies, ogies huil!

Bemin ek die gesigie vol meel
Wat met haar glimlag my hartjie steel.

Jou oe is blou en sag
Ek sit vir jou en wag!

Bekoorlik jou beeld in die huis
Kaalvoet, langrok in die kombuis.

Hou ek die stoel as jy gaan sit
Beeldskoon – oe toe, as jy bid.

Pragtig uitgevat vir kerk
Ek betrag jou as jy werk!

Mis my hart nog altyd n slag
As jy blinkoog vir my lag!

Jou beeld maak my sing
Aantreklik, tone n goue ring!

Altyd mooi as ek jou sien
Verduidelik. Hoe’t ek jou verdien?

Manie Jackson